ማስታወሻ፡-

- ለመደበኛና ለልዩ የትኬት አገልግሎት ፈላጊዎች ሁሉም ክፍያዎች ዕድሜያቸው ሁለት ዓመትና ከዚያ በላይ ለሆናቸው ማንኛውም ጎብኚዎች ተግባራዊ ይደረጋል፡፡ ለፎቶግራፍ አገልግሎት ፈላጊዎች በፎቶግራፍ ጥቅሉ ውስጥ ተካተው የሚገቡ በሁሉም ዕድሜ ላይ ያሉ ሰዎችን የተጠቀሰው የመግቢያ ዋጋው ያካትታል፡፡
- በትምህርት ቤት በቡድን ለሚመጡ ተማሪዎች ፓርኩ የሚሰጠውን የመግቢያ ዋጋ ቅናሽ ተጠቃሚ ለመሆን ት/ቤቶቹ ከጉብኝት ቀናቸው 3 ቀናት በፊት ለፓርኩ የተጻፈ የትብብር ደብዳቤ ይዘው መቅረብና አስፈላጊ መረጃዎችን መውሰድ ይጠበቅባቸዋል፡፡
- ለተጨማሪ መረጃ:- ለምግብና መጠጥ ወይም ለግብይት ፍላጎትዎ የተለያዩ ካፌና ሬስቶራንቶች እንዲሁም የጌጣጌጥና የስጦታ ዕቃዎች መሸጫ ተቋማት በፓርኩ ውስጥ ያሉ ሲሆን ለጥሬ ገንዘብ ፍላጎትዎም የATM ማሽኖች አሉ፡፡

የፓርክ መግቢያ የክፍያ አማራጮች

1. በፓርኩ መግቢያ ላይ ከሚገኘው የትኬት ቢሮ ለጉብኝት በሚመጡበት ወቅት በጥሬ ገንዘብ (በብር ወይም በውጭ ሀገር መገበያያ ገንዘቦች) ከፍሎ መግባት ይቻላል፡፡

2. የኢትዮጵያ ንግድ ባንክን ሞባይል ባንኪንግ በመጠቀም በፓርኩ የሂሳብ ቁጥር 1000294128388 ወይም አጭር ቁጥር 6030ን በመጠቀም ከፍሎ መግባት፡፡

3. ማንኛውንም የሀገር ውስጥ ባንክ ወይም ዓለም-አቀፍ ካርዶችን በመጠቀም በፖስ ማሽን ክፍያን በመፈጸም ይቻላል፡፡

4. በቴሌብር ሱፐር-አፕ ወይም *127# ትኬት ለመግዛት በሚለው አማራጭ የአንድነት ፓርክን በመምረጥ የመግቢያ ክፍያን ከፍሎ መግባት፡፡ በቴለብር ሱፐርአፕ ‘ተጨማሪ’ የሚለውን መምረጥ ቀጥሎ ‘ትኬት ለመግዛት የሚለውን መምረጥ ቀጥሎ ‘አንድነት ፓርክ’ የሚለውን መርጦ ትኬት መግዛት ይቻላል። *127# ለመግዛት መጀመሪያ ከተዘረዘሩት አማራጮች ‘በቴሌብር ይክፈሉ’ ወይም 8 ቁጥር መምረጥ ቀጥሎ ‘ትኬት ለመግዛት’ ወይም 4 ቁጥር የሚለውን መምረጥ ቀጥሎ ‘አንድነት ፓርክ’ የሚለውን መርጦ ትኬት መግዛት ይቻላል።